聚點 (Closed)

老公話佢公司附近有一間幾夠鑊氣嘅茶餐廳，佢間中放工都會幫襯下。咁我就要求佢帶我試試啦地點嚟講真係好方便，一出地鐵站口直行就到，環境都好似古色古香😆而且又有一個巨型電視，然後見到一個大海報寫住聚香雞，張相好吸引，所以嗌咗一個例牌試一試佢佢有三款醬料附送，其實當初係見到蔥油姜蓉先order🤣🤣我呢個醬汁怪咁見到佢有三隻味，梗係每隻都試吓啦老實說，第一次放棄姜蓉，我不停係咁點呢個叫秘製辣醬，真係好味喎，我本身個人就係要戎辣嘅，但係呢個醬又唔係話好辣，辣度適中，又有D香味，又好似有D唔知係咪瑤柱物體，有小小小小似XO醬，不過比起黎更惹味，我地已經叫到成枱餸，但係都覺得個隻雞唔夠食咁，隻雞又係嫩到不得了😱你咬一啖隻雞會見到佢中間啲肥膏又唔係話十分肥膩，係鮮嫩嗰隻佢哋照顧周到除咗有雞髀之外仲有雞胸㗎，鍾意食雞胸嘅朋友佢呢隻雞胸都唔鞋喎，非常OK，推得推介而且佢哋D服務都幾細心，專登比隻碟我裝雞骨☺️題外話兩個年輕嘅侍應定唔知老闆都好暖男feel (呢個唔好俾我老公知道我𥄫仔🤣)另外我叫左一個必食嘅粟米班腩，同埋介茉牛柳粒，仲有個啫啫芥蘭煲，其實佢其他餸菜都係好夠鑊氣，冇諗過喺鬧市區可以食到大排檔嘅感