上海婆婆 (Closed)

同細佬嚟屯門食Lunch，見元氣要排隊，就上咗嚟睇下，十二點，好多位淨，於是就入咗嚟。 牆上掛既肥仔圖畫都幾有特色，環境係OK既，但係食物就認真麻麻！ 之前喺鼎泰豐食過葱油撈麵覺得好好味，於是就喺度叫咗個。點知，碟嘢上枱嗰時我真係呆咗，說好的葱油就冇喇，係得一Pat茨汁。啲侍應仲當我有問題咁話葱油撈麵係咁架。嗰啲咁既蝦乾大大隻一啲香味都冇。 婆婆粒粒炒飯，一啲都吾好食，油膩，好似獵味飯。 相比下牛肉包算吾錯。 服務方面，侍應愛理不理，又顧住傾計，吾盡責！ 我哋一致認為，食老麥仲好。 食飽之後見到門口有十幾個人排隊，心諗，憑乜啊？