Video
Read full review
2020-04-24
1723 views
好耐無去過葵廣蒲喇🤣XD，去到仍然見到係食店同夾公仔機係佔最多嘅，老實講我好少喺葵廣掃街，應該只係食過幾間，而且喺三樓嘅。但呢日發現原來二樓都有個角落係賣嘢食嘅，其中特別有一間大排長龍，行經兩次都係同一情況。佢就係叫「無辣不歡」🌶。我就即刻上網睇吓食評先，原來係出名食四川辣菜嘅，包括手撕雞同麻辣小食等...。一場嚟到，我哋又忍唔住排埋一份，試吓係咪真係咁正，加上近來鍾意咗試辣，但利申唔食得辣🙈。真係好鬼多人買，落單畀錢到食物Ready，前前後後都成廿分鐘😫。好搞笑哋女店員成日會消失咗，因為佢行咗去布幕後面嘅廚房(偷望到)。題外話，佢好忙，但都OK好禮貌。手撕雞蕎麥麵(細)($20)，賣相幾唔錯，麻辣手撕雞嘅份量都幾多，但蕎麥麵就真係少啲了，嗯應該得兩啖左右。不過當小食嚟講，係OK嘅，無人同你講係正餐嘛，哈哈🤣。$20話平唔平，但呢個價錢確係一試無妨。麻辣手撕雞🐔正如其他人所講，辣味果然係幾勁，一開頭唔覺嘅，但食下食下辣味慢慢滲出嚟。可惜味道唔係想像中咁一試難忘，因為我認為個麻辣唔夠鹹。蕎麥麵就無乜特別，但好過食湯麵，另一選擇。三色芋圓冰粉($18)，呢個係追加項目，因為驚個麵會辣，而且
好耐無去過葵廣蒲喇🤣XD，去到仍然見到係食店同夾公仔機係佔最多嘅，老實講我好少喺葵廣掃街，應該只係食過幾間，而且喺三樓嘅。但呢日發現原來二樓都有個角落係賣嘢食嘅，其中特別有一間大排長龍，行經兩次都係同一情況。佢就係叫「無辣不歡」🌶。
我就即刻上網睇吓食評先，原來係出名食四川辣菜嘅，包括手撕雞同麻辣小食等...。一場嚟到，我哋又忍唔住排埋一份，試吓係咪真係咁正，加上近來鍾意咗試辣，但利申唔食得辣🙈。
77 views
0 likes
0 comments
真係好鬼多人買，落單畀錢到食物Ready，前前後後都成廿分鐘😫。好搞笑哋女店員成日會消失咗，因為佢行咗去布幕後面嘅廚房(偷望到)。題外話，佢好忙，但都OK好禮貌。
手撕雞蕎麥麵
$20
83 views
1 likes
0 comments
手撕雞蕎麥麵(細)($20)，賣相幾唔錯，麻辣手撕雞嘅份量都幾多，但蕎麥麵就真係少啲了，嗯應該得兩啖左右。不過當小食嚟講，係OK嘅，無人同你講係正餐嘛，哈哈🤣。$20話平唔平，但呢個價錢確係一試無妨。
手撕雞蕎麥麵
$20
96 views
0 likes
0 comments
麻辣手撕雞🐔正如其他人所講，辣味果然係幾勁，一開頭唔覺嘅，但食下食下辣味慢慢滲出嚟。可惜味道唔係想像中咁一試難忘，因為我認為個麻辣唔夠鹹。蕎麥麵就無乜特別，但好過食湯麵，另一選擇。
三色芋圓冰粉
$18
79 views
0 likes
0 comments
三色芋圓冰粉($18)，呢個係追加項目，因為驚個麵會辣，而且佢又賣得唔貴。成都老冰粉喺好多川菜餐廳都有得賣，因為可以解辣，但同時亦可當係甜品嘅。冰粉好大碗，抵食👍，而且口感滑嘟嘟，配埋黑糖食甜甜地，唔錯。三色芋圓食落三隻色都一樣味，但口感幾好嚼、幾Chewy，I like it😋。
總括嚟講，小食店係抵食嘅，值得一試。可能口味因人而異啦，個麻辣手撕雞確係令我有啲失望，絕對唔係難食，但我就覺得唔夠鹹；朋友就嫌唔夠辣😅。如果以招牌菜來説，我只能夠畀中評而已，冰粉就反而值得推介。
Post
