真‧章魚無雙

Open Now

Now Closed

葵廣呢間真·章魚無雙嘅章魚燒已經試過幾次啦。今日晏晝經過葵廣，又再買嚟食。今日買咗兩隻味同朋友一齊分享，我揀返平時食開最鍾意嘅蟹膏味章魚燒，朋友就揀咗經典嘅大阪燒章魚燒。😋蟹膏味嘅章魚燒有滿滿嘅蟹膏，一啲都唔吝嗇。每一啖都食到好多蟹膏，而且即叫即做即食，粒粒都熱辣辣，外面個皮仲係有少少脆，裏面粒章魚好大粒好彈牙。👍🏼朋友揀嘅原味大阪燒章魚燒醬汁都一樣係好豐富，而且都係有好多木魚。章魚燒夾埋啲木魚一齊食口感特別豐富。