鴻仔記車仔麵 (禾塘咀街) (Closed)

在葵青區搵食好難，而且想食碗麵更難，葵青區朋友介紹我去一間連鎖式車仔麵店，名叫「鴻仔記車仔麵」，出名有花膠的麵店。4餸麵售價$38，豬大腸、豬紅、咖喱魚蛋、齋麵筋是我個人喜歡選擇，加埋腩汁及鴻仔辣汁倍感惹味，為了減肥只好轉做菜底，轉走任何粉麵，麵店都可做到。食物質素方面，豬大腸肥美，鹵汁浸透了整個豬大腸，味道不錯，質感彈牙。豬紅及齋麵筋也正常合格，咖喱魚蛋細細粒，懷舊風味十足。朋友就點了蠔皇花膠、蘿蔔、豬耳、小雲耳加瑞士汁，轉走粉麵轉菜底比較健康。蠔皇花膠爽身彈牙，微微淋身，蘿蔔夠甜，豬耳脆口及小雲耳都很爽脆，這樣配搭也不錯。小食推薦孜然雞翼，即叫即炸，雞翼香口肥美，啖啖滋味，回吃率甚高，每碟$26有4隻，價錢合理。