Video
Read full review
2021-07-29
771 views
係葵涌返工嘅朋友仔一定食過位於KCC商場地鋪Little Prince~位置唔起眼，但一到中午離遠就會見到門口有好多人排隊同等外賣~先不評論食物質素，但老闆娘嘅態度就真係認真麻麻！親身經歷過俾佢呼喝，就完全明白點解Openrice大部分食評都指態度差劣問題。午市套餐係各種款式嘅意粉套餐，套餐包一杯熱飲（咖啡、奶茶、檸水、檸茶），凍飲另加$2，是日餐湯加$5，另外可以加多小小錢轉咖啡、鮮奶、梳打系列飲品。本身唔飲咖啡奶茶，通常都係飲凍檸茶。🍝 煙三文魚、煙肉、忌廉白汁意粉（+凍檸茶）$58評分：★★★★☆平時都叫開呢個意粉，水平一直都Keep到，只係試過一次個意粉整體會略咸。意粉分量對於女士黎講剛好，即叫即煮，上菜時夠熱，意粉口感適中煮得剛剛好，唔會過淋或過硬，夠哂彈牙，煮意粉時間掌握得好好。忌廉白汁意偏向濃稠，奶味偏重，意粉做到掛汁。煙三文魚、煙肉份量算多，煙肉唔係煎左香脆個隻，只係普通加落去煮，但兩者個咸味配合埋個意粉剛剛好，食哂唔會話覺得好口乾。可以食辣嘅朋友仔就記得問店員拎埋辣椒tabasco加落意粉，頓時令到油膩感減半！-----------------------------
午市套餐係各種款式嘅意粉套餐，套餐包一杯熱飲（咖啡、奶茶、檸水、檸茶），凍飲另加$2，是日餐湯加$5，另外可以加多小小錢轉咖啡、鮮奶、梳打系列飲品。本身唔飲咖啡奶茶，通常都係飲凍檸茶。
煙三文魚、煙肉、忌廉白汁意粉
30 views
0 likes
0 comments
🍝 煙三文魚、煙肉、忌廉白汁意粉（+凍檸茶）$58
評分：★★★★☆
平時都叫開呢個意粉，水平一直都Keep到，只係試過一次個意粉整體會略咸。意粉分量對於女士黎講剛好，即叫即煮，上菜時夠熱，意粉口感適中煮得剛剛好，唔會過淋或過硬，夠哂彈牙，煮意粉時間掌握得好好。忌廉白汁意偏向濃稠，奶味偏重，意粉做到掛汁。煙三文魚、煙肉份量算多，煙肉唔係煎左香脆個隻，只係普通加落去煮，但兩者個咸味配合埋個意粉剛剛好，食哂唔會話覺得好口乾。可以食辣嘅朋友仔就記得問店員拎埋辣椒tabasco加落意粉，頓時令到油膩感減半！
------------------------------
冬蔭公鳳尾蝦意粉
36 views
0 likes
0 comments
🍝 冬蔭公鳳尾蝦意粉（+凍檸茶）$58
評分：★★★☆☆
意粉一如既往上面所描述嘅出色，有冬蔭公味道，酸酸辣辣，食得出有加到椰汁嘅味道，配料算豐富，有約4-5隻鳳尾蝦，爽脆得黎唔會有雪藏味，有埋蕃茄仔、草菇、幾片煙肉，喜歡食冬蔭公嘅可以一試。
------------------------------
麻辣牛肉意粉
32 views
0 likes
0 comments
🍝 麻辣牛肉意粉 $60
評分：★★★☆☆
值得一提係呢間店每個月都會推出一款限定的新口味意粉，為顧客帶黎小小驚喜，食厭左日常嘅餐牌都可以試下新口味。鍾情食辣嘅我見到🌶麻辣口味又點會放過！意粉質地冇得點挑剔，講番今次個麻辣牛肉味，醬汁夠哂麻辣，食到中段已經Feel到個咀麻麻地，個辣度正常，唔算太辣，屬於大眾可接受嘅辣度。牛肉唔鞋口，幾滑身，夠哂入味，一碟意粉都有好多塊牛肉，絕對唔孤寒。意粉有埋紅蘿蔔絲，爽爽脆脆。但呢個意粉愈食愈覺得膩，食過一次唔會再Encore。
🌟總括：款式多，即叫即煮，價錢OK，所有意粉質素中上，隨便叫都唔會有中伏或大嘅問題出現。但態度問題有待改善。
Post
