Video
Read full review
2024-07-21
472 views
行過新都會廣場見呢間連鎖日式西餐廳開咗新分店，就揀咗呢度食午飯。佢哋午請時段有午餐套餐，選擇都幾多，跟餐除咗有沙律/餐湯同飲品，仲可以加錢叫小食。和牛蘇格蘭流心蛋配芥末籽大阪燒汁 $158見午餐menu入面有呢款非常特別嘅菜式，用和牛漢堡包住雞蛋去炸，做到外面炸皮脆，中間牛肉軟嫩多汁，入面雞蛋流心嘅效果。食落有三重口感，和牛同流心蛋黃漿亦係絕配，配菜仲有沙律同芥末薯蓉。味噌三文魚配香煎蟹餅及明太子醬 $198朋友就叫咗煎三文魚配蟹餅，三文魚帶淡淡味噌嘅香味，唔會太鹹，調味啱啱好，魚皮煎得香脆，魚肉亦都唔會太乾身，加埋香口蟹餅，仲有薯蓉，非常豐富。香煎鵝肝青森縣蘋果黑醋壽司塔可/鰻魚玉子壽司塔可 $88/+$48餐廳另一樣非常有特色嘅食物就係壽司塔可，將海苔炸到酥脆，再夾住唔同餡料同壽司飯。我哋一人叫咗一個，鵝肝青蘋果嘅呢款用咗意大利特濃黑醋做醬汁，加埋蘋果酸酸甜甜中和返鵝肝嘅油膩感。青森縣蘋果芭菲 $88甜品就叫咗個蘋果芭菲開心share，入面除咗有蘋果味雪糕，仲有蘋果粒、金寶同蘋果啫喱。用咗日本青森蘋果，口感爽脆之餘味道清甜。甜甜酸酸梳打 +$38檸檬梳打加入黑糖漿調配，酸酸甜甜，消
和牛蘇格蘭流心蛋配芥末籽大阪燒汁 $158
見午餐menu入面有呢款非常特別嘅菜式，用和牛漢堡包住雞蛋去炸，做到外面炸皮脆，中間牛肉軟嫩多汁，入面雞蛋流心嘅效果。食落有三重口感，和牛同流心蛋黃漿亦係絕配，配菜仲有沙律同芥末薯蓉。
味噌三文魚配香煎蟹餅及明太子醬 $198
朋友就叫咗煎三文魚配蟹餅，三文魚帶淡淡味噌嘅香味，唔會太鹹，調味啱啱好，魚皮煎得香脆，魚肉亦都唔會太乾身，加埋香口蟹餅，仲有薯蓉，非常豐富。
香煎鵝肝青森縣蘋果黑醋壽司塔可/鰻魚玉子壽司塔可 $88/+$48
餐廳另一樣非常有特色嘅食物就係壽司塔可，將海苔炸到酥脆，再夾住唔同餡料同壽司飯。我哋一人叫咗一個，鵝肝青蘋果嘅呢款用咗意大利特濃黑醋做醬汁，加埋蘋果酸酸甜甜中和返鵝肝嘅油膩感。
青森縣蘋果芭菲 $88
甜品就叫咗個蘋果芭菲開心share，入面除咗有蘋果味雪糕，仲有蘋果粒、金寶同蘋果啫喱。用咗日本青森蘋果，口感爽脆之餘味道清甜。
甜甜酸酸梳打 +$38
檸檬梳打加入黑糖漿調配，酸酸甜甜，消暑解渴，非常有特色。
富士青提 $52
朋友叫嘅青提冰茶，味道清新，入面仲有粒粒青提果肉。
。
。
QUE (新都會廣場) (葵芳)
葵芳興芳路223號新都會廣場5樓547-565號舖
。
。
Post
