牛角Buffet

Open Now

Now Closed

葵芳新都會終於都開佐牛角啦🥳🥳仲要係buffet啊🥳勁開心超興奮！即刻約埋牛角同好者一齊去食，牛角位置係六樓，但電梯凈係去到五樓，所以要再搭一層扶手電梯先到達，其實之前已經事先用牛角個App 拎佐飛先，又係平日諗住去到可以直入，點知我地七點半去到，明明爭一張飛就到我地，但因為好多金會員拎左飛，佢地可以唔使優先，搞到我地要等多足足半個鐘先入到去😢😢入邊環境其實同其他分店差不多，不過始終係新開所以整體都新淨啲， 都坐得舒舒服服既！我地叫佐B餐，任食100分鐘，一坐低職員會送上兩碟頭盤先🥰🥰之後我地就可以用QR code 落單啦~牛角飯、關東煮、雪糕、甜品、飲品同埋其他嘢食都可以出去自助吧自己拎，除佐不停叫牛肉之外，我地都叫佐啲炸雞翼、雞肉、豬肉🤤🤤樣樣都叫啲🤤牛角既牛肉真係無得輸，加埋啲牛角自家制醬汁，味道又更昇華😍😍炸雞翼都好好食，忍唔到叫左2round🤣🤣黎到牛角最重要一定要食埋牛角飯，佢有個牌會教你點調味，首先先裝飯，之後加飯素，再加蔥花，最加澆上燒汁😍😍我最鍾意蔥花，所以落佐超多超多，好食到爆！一定唔好錯過👍🏻👍🏻其他咩都試下味就算，之後就主攻牛肉啦~食飽飽後當然要食埋甜品同雪糕先