ROSIE

Open Now

Now Closed

好耐冇返嚟葵芳，返嚟探朋友嘅時候經過見到，呢度竟然有間咁打卡風嘅Cafe，咁就一於叫朋友一齊嚟試吓啦。呢度嘅門口真係好適合影相，影落直程唔似喺香港咁，好似去咗旅行咁呀。呢度最出名嘅就係意粉，佢哋嘅意粉係手工皂嘅，咬落口感非常好，而且價錢又好平，鍾意食意粉嘅一定要嚟試吓。我最欣賞嘅就係呢個封門柳意粉，佢嘅牛肉非常嫩滑，而且食物好有牛味，同意粉好夾，食落好香口越食越開胃啊。另外呢杯朱古力鮮奶都好靚，又係好適合打卡。而且佢除咗樣靚之外，飲落都好好味。佢唔會太甜，但係朱古力味好濃厚，同牛奶好夾，而且好解渴。呢間餐廳嘅營業時間好長，夜晚收工都嚟到，鍾意食pasta嘅話一定要嚟試吓。而家好多西餐廳都係用即食嘅意大利粉，呢度每碟意粉都好出色，感覺每碟都好有誠意。而且價錢仲好平，比其他連鎖嘅意粉店好食好多啊。