Parkview (新都會廣場) (Closed)

葵芳新都會成日都有唔少餐廳，呢間間唔中都會去食，貪佢環境舒適，座位寬敞，同朋友傾計幾好😊今日又去食，可能閒日，唔洗等位就入得，好開心🤩前菜點左雞肉蘑菇芝士墨西哥酥餅 $88望落去都幾吸引，熱辣辣既，份量都唔細，兩人食都有些多。個墨西哥酥餅軟硬適中，餅邊有少少焦脆，餅中間就軟軟哋，餅面仲有啲酸酸甜甜既醬汁。餅入面包住雞肉洋蔥，仲有啲芝士，好好食。出面汁中和反個味道，食落整體唔覺得漏🥰真心推薦黑松露蘑菇意大利飯 $108黑松露味好香，蘑菇味都好濃。意大利飯唔會太濕得來而無左口感。飯面有少少芝士，溶溶地幾香🤩三文魚明太子意粉 $128三文魚火喉剛剛好，唔會好老，幾滑。但略微有少少咸，對比個意大利飯，呢個意粉感覺濃味d，可能加左明太子🧐整體來講，三樣都滿意，由其墨西哥酥餅😆下次會黎再試埋其他。