阿佳拌麵

Open Now

Now Closed

今晚收工夜咗唔煮飯,葵涌廣場出名多嘢食,尤其係三樓嗰一間外賣台灣麵檔。屋企有四個人,買咗四款麵食,由其係嗰一款貴妃雞卷經常買唔到,今次好好彩,一見到有即刻落單,包裹著雞塊嘅表皮,軟熟柔韌,雞肉調味到位,甚有台灣風味,特色嘅沙茶醬配搭伴麵,非常合拍。肉燥拌麵調教都不俗,濃郁碎肉香氣四溢,肉燥係台灣嘅拿手好戲,同樣配搭沙茶醬相得益彰。台式最著名係蚵仔麵線,名不虛傳,材料夠曬豐富,一啲都冇吝嗇,麵線爽滑,湯底濃郁好滋味,添加少少微辣,食起嚟更加出眾。仲有一款大腸麵線同樣頂呱呱,肥嘟嘟的大腸,雖然邪惡,但係令你禁不住口,當你咬下去時,濃香汁液藏滿在你口腔,令你好有滿足感,湯底真係與別不同