All for One Cafe (Closed)

一個食素，一個食肉，好難搵到個地方一齊食野，滿足大家。網上見到有素食朋友介紹呢間Cafe，即刻帶埋男朋友去試。佢可以食佢中意既肉食，我可以食素，一舉兩得！見到個餐牌樣樣野都好想食好吸引！最後叫左個燒烤菇漢堡同素鰻魚薄餅，2款都好好味漢堡好juicy，薄餅餅底軟硬適中，下次會再encore。另外，又叫左個桂圓杞子花旗參茶，好香花旗參味。好開心男朋友都陪我一齊食素食，唔叫肉食，非常感恩！cafe既環境好舒適寧靜，見到店員好用心佈置，就連食物都有干花裝飾，賞心悅目。店員好友善，食物又好食，非常推薦大家去聚餐。