Video
Read full review
2010-07-14
276 views
星期日, 回到大埔外父家, 幫忙收拾一下東西. 我們二人一早入到去, 第一站不是直接回家, 而是上黎街市, 食我們的Brealunch.其實有一間老字號我想試埋佢, 不過來日方長, 今次就陪齋妹去食她至愛的一檔大排檔, 發記粥麵. 為何她獨愛呢一檔大排檔, 原因有二, 1) 因為這兒有即拉腸粉食, 2) 這兒有素食餡既腸粉同粥品發售.先把她的粥同腸粉進行解畫. 首先, 要解釋一下點解呢一間東東會有素食供應. 原因老闆娘食素, 所以特地設計出不同類型的素肉粥品同素餡腸粉, 而且她知道, 大埔區有不少素食道親, 做素食, 點都會吸引一批客仔. (我太太同外母就是例子)先來是她的粟米素火腿粥, 煲得夠綿夠熱既粥底. 味道帶點咸香既鮮味. 素肉本身的味精精華, 帶了點在粥品內, 另外每啖都有一口粟米粒的香甜, 製作雖是簡單但這一份滿足, 是素食者才能明白.素火腿腸粉, 餡就是素火腿, 菜, 粟米粒同紅蘿蔔絲. 豉油味道算是鮮美, 好的地方就是不太甜, 不好的地方也是不太甜.葷食, 由老闆本人在內廚房主理, 外廚房只整腸粉及所有素食, 內廚房就做葷食, 分得清清楚楚. 只是有時意外地把肉食包了在
其實有一間老字號我想試埋佢, 不過來日方長, 今次就陪齋妹去食她至愛的一檔大排檔, 發記粥麵. 為何她獨愛呢一檔大排檔, 原因有二, 1) 因為這兒有即拉腸粉食, 2) 這兒有素食餡既腸粉同粥品發售.
先把她的粥同腸粉進行解畫. 首先, 要解釋一下點解呢一間東東會有素食供應. 原因老闆娘食素, 所以特地設計出不同類型的素肉粥品同素餡腸粉, 而且她知道, 大埔區有不少素食道親, 做素食, 點都會吸引一批客仔. (我太太同外母就是例子)
先來是她的粟米素火腿粥, 煲得夠綿夠熱既粥底. 味道帶點咸香既鮮味. 素肉本身的味精精華, 帶了點在粥品內, 另外每啖都有一口粟米粒的香甜, 製作雖是簡單但這一份滿足, 是素食者才能明白.
素火腿腸粉, 餡就是素火腿, 菜, 粟米粒同紅蘿蔔絲. 豉油味道算是鮮美, 好的地方就是不太甜, 不好的地方也是不太甜.
葷食, 由老闆本人在內廚房主理, 外廚房只整腸粉及所有素食, 內廚房就做葷食, 分得清清楚楚. 只是有時意外地把肉食包了在素腸粉內, 不過機會率好微.
我就叫了一個豬潤腸同一個雲吞撈麵. 豬潤腸, 時間控制得很好, 豬潤甜香不粉口, 剛熟的仍帶有少許血汁. 切成散片平均分佈在腸粉的每一個角落. 嫩滑的豬潤腸, 一定要即叫即蒸即食才可.
雲吞撈麵, 簡單的五粒鮮蝦雲吞. 味雖是普通, 但有足夠既鮮蝦搭救. 平心一論, 這禿的雲吞絕對是好食的, 只不過與街市另一檔相比, 就差了一小截. 麵, 帶有鹼水味, 雲吞同菜一看就知是用煮麵水烚的. 另類地, 第六粒雲吞是炸雲吞一粒. 炸得香脆香口. 內裡鮮美彈牙. 一粒, 感覺上不夠.
食飽, 談起吉之島要執, 回外父家前, 不如去吉之島睇下有什麼平野.......反正大把野要買.
Post
