Video
Read full review
2018-10-29
351 views
今日放假無野做，去左城大揾frd行街，行到餓餓地，大家就講起夜晚食乜好，友人突然話：「不如去啪蒜頭」。我心諗，雖然萬聖節就到，但蒜頭唔係驅鬼架咩，幾時變到咁架。。。然後我比佢半夾半拐黎到又一城L1，就見到呢間Mad for Garlic係Corner位，靜靜地暗暗地，又好似幾好feel咁wo！入到去邊睇menu邊search下呢間餐廳有咩必食推介and background，原來佢係韓國係好出名既，分店都唔少，2016年就開到黎香港，係以意大利菜既烹調手法，再加入韓國既元素，以「蒜頭」為主題既意大利餐廳。環境方面，呢度就以歐陸酒窖為concept，以深啡色木材，啞黑色鋼材營造出一種神秘感，而一入黎最吸晴既就係個酒櫃，櫃門玻璃用左鐵線玻璃，櫃入面又做左燈，咁樣打出黎好型啊！呢度仲做左open kitchen，可以一睹oppa煮野飯既風采。今日一共叫左3個菜式，包括Garlic Snowing Pizza，Grilled Pork Belly Ssam 同 Lemon Calamari Cream Risotto。Garlic Snowing Pizza蝦、菠蘿、炸蒜片 MFG招牌意大利
今日放假無野做，去左城大揾frd行街，行到餓餓地，大家就講起夜晚食乜好，友人突然話：「不如去啪蒜頭」。我心諗，雖然萬聖節就到，但蒜頭唔係驅鬼架咩，幾時變到咁架。。。然後我比佢半夾半拐黎到又一城L1，就見到呢間Mad for Garlic係Corner位，靜靜地暗暗地，又好似幾好feel咁wo！
入到去邊睇menu邊search下呢間餐廳有咩必食推介and background，原來佢係韓國係好出名既，分店都唔少，2016年就開到黎香港，係以意大利菜既烹調手法，再加入韓國既元素，以「蒜頭」為主題既意大利餐廳。
環境方面，呢度就以歐陸酒窖為concept，以深啡色木材，啞黑色鋼材營造出一種神秘感，而一入黎最吸晴既就係個酒櫃，櫃門玻璃用左鐵線玻璃，櫃入面又做左燈，咁樣打出黎好型啊！呢度仲做左open kitchen，可以一睹oppa煮野飯既風采。今日一共叫左3個菜式，包括Garlic Snowing Pizza，Grilled Pork Belly Ssam 同 Lemon Calamari Cream Risotto。
Garlic Snowing Pizza
$138
31 views
1 likes
0 comments
蝦、菠蘿、炸蒜片 MFG招牌意大利薄餅($138)
呢個Pizza 都可以算係呢度名物之一，幾乎枱枱都點咁濟。Pizza 上菜時，店員會即席為刨巴馬臣芝士係Pizza，有如萬天飛雪一樣，相信呢個就係Snowing嘅來源。Pizza 餅底比較薄身，非常香脆，配料就有菠蘿、蝦同炸蒜片，加上醬汁帶有微微的酸甜味，剛好中和左芝士同蒜嘅膩，食落亦唔會覺得蒜味太重，反而又幾balance，難怪人人都叫。
Grilled Pork Belly Ssam
$168
48 views
0 likes
0 comments
Grilled Pork Belly Ssam
$168
34 views
0 likes
0 comments
秘製豬腩肉 配牛油餡角及韓式風味醬 ($168)
黎得食韓國野，點少得豬腩肉呢？雖然豬腩肉一直係鐵板上熱住，但肉質依然非常嫩滑，咬落仲好腍身，油香陣陣，好滿足呀！係牛油餡角裹面放上香脆蒜片同呢個creamy 嘅韓式風味醬，一脆一軟嘅口感同時出現，非常有層次。
Lemon Calamari Cream Risotto
$138
35 views
0 likes
0 comments
微辣檸檬忌廉魷魚韓風意大利飯 配醃漬蒜芯 ($138)
因為點左2個比較重口味嘅菜式，所以都想點返個飯平衡一下，所以就揀左呢個Risotto。食Risotto 就最怕乾身，不過呢個又做得幾好，飯夠濕潤，但又唔會話太過creamy，加上個汁帶有微微辛辣，又有檸檬酸味，味道係清新嘅！蒜味唔算好突出，但剛好就帶出魷魚鮮味。至於醃漬蒜芯出奇好味，酸酸甜甜，非常特別，為晚餐畫上完美句號。
總括黎講，平均每人先$200多少少，以蒜做主題嘅餐廳真係幾有趣，本以為會食到成口蒜味，食完覺得佢係運用蒜上又運用得幾恰到好處，食物味道都蒜好好！座位方面，呢度有卡位有長枱，無論倆口子黎撐枱腳或一大班人熱熱鬧鬧，我都覺得好適合既，下次同同學REU有得諗！
Post
