Video
Read full review
2019-06-11
445 views
2019年6月4日 星期二今日係一個特別既日子，好適合懷念過去，所以就同女朋友返去以前成日一齊去既地方，就係筲箕灣東大街。發覺果到原來已經唔同左好多，多左唔少新餐廳。其中行過見到呢一間幾特別，好似碼頭附近既舖頭咁，仲要係賣我鐘意既海鮮添咁岩原來依家做緊三周年優惠，兩個人黎食會送虎蝦刺身，諗左一陣都係入去試試叫左想食d咩之後，等左無耐就送黎免費既虎蝦刺身，小小地有4塊，唔算太多，不過都唔馬虎，有檸檬可以提鮮，食落都彈牙秘製燒牛仔骨: 燒得好香，肉既部分好多，而且無乜肥膏，所以啖啖肉。肉質好腍，有好濃牛肉味又唔難咬開。食食下既時候店員拎左呢個醬出黎，話係秘製辣椒醬，叫我地可以點少少同其他食物一齊食。本身我就唔太食得辣，而女朋友就勁我少少，但難得店員誠意權權，點都要試少少既。一入口有好濃烈既蒜味，然後感覺到有少少麻辣既麻，但唔算太辣，都易入口，不過我就無繼續再點。反而女朋友話愈點會愈覺得滋味，原來個辣有後勁，會慢慢辣上黎，咁應該好適合愛辣人士燒豆卜: 睇落好似無乜特別，而裡面都無任何餡料，只不過淋係表面個醬燒完之後同豆卜一齊食，就令到豆卜即刻好野味秘製燒豬頸肉: 好貼心咁剪開細細舊咁燒，等
今日係一個特別既日子，好適合懷念過去，所以就同女朋友返去以前成日一齊去既地方，就係筲箕灣東大街。發覺果到原來已經唔同左好多，多左唔少新餐廳。
其中行過見到呢一間幾特別，好似碼頭附近既舖頭咁，仲要係賣我鐘意既海鮮添
咁岩原來依家做緊三周年優惠，兩個人黎食會送虎蝦刺身，諗左一陣都係入去試試
虎蝦刺身
13 views
0 likes
0 comments
叫左想食d咩之後，等左無耐就送黎免費既虎蝦刺身，小小地有4塊，唔算太多，不過都唔馬虎，有檸檬可以提鮮，食落都彈牙
秘製燒牛仔骨
$68
2 views
0 likes
0 comments
秘製燒牛仔骨: 燒得好香，肉既部分好多，而且無乜肥膏，所以啖啖肉。肉質好腍，有好濃牛肉味又唔難咬開。
食食下既時候店員拎左呢個醬出黎，話係秘製辣椒醬，叫我地可以點少少同其他食物一齊食。本身我就唔太食得辣，而女朋友就勁我少少，但難得店員誠意權權，點都要試少少既。一入口有好濃烈既蒜味，然後感覺到有少少麻辣既麻，但唔算太辣，都易入口，不過我就無繼續再點。反而女朋友話愈點會愈覺得滋味，原來個辣有後勁，會慢慢辣上黎，咁應該好適合愛辣人士
燒豆卜
$18
3 views
0 likes
0 comments
燒豆卜: 睇落好似無乜特別，而裡面都無任何餡料，只不過淋係表面個醬燒完之後同豆卜一齊食，就令到豆卜即刻好野味
秘製燒豬頸肉
$28
16 views
0 likes
0 comments
秘製燒豬頸肉: 好貼心咁剪開細細舊咁燒，等每個地方都燒得好均勻同沾有醬汁。肉質入口即融，好似食緊和牛咁，富有油脂
蒜蓉燒生蠔
$48
4 views
0 likes
0 comments
蒜蓉燒生蠔: 一拎出黎已經見到d蒜蓉鋪滿晒蠔上面，仲要好香蒜蓉味，食落同生蠔好配合，無左生蠔既腥味
蒜蓉燒茄子
$28
4 views
0 likes
0 comments
蒜蓉燒茄子: 同燒生蠔既方法應該差不多，不過今次係原條茄子切開一半，鋪上蒜蓉黎燒，令到本身無乜味既茄子突然好野味
秘製燒雞翼
$44
3 views
0 likes
0 comments
秘製燒雞翼: 用雞全翼黎燒，更加原汁原味，每一個位置都好似有秘製醬汁，用手黎食就更加滋味
麻辣雞煲
$198
3 views
0 likes
0 comments
最後仲有個麻辣雞煲，好特別加左薯條落去再撈兩撈，每條薯條都吸收左雞煲既醬汁同精華，之前從來未試過咁食。雞煲裡面雞既份量都好多，兩個人一定食唔晒。雞肉都好嫩滑而且入味，好彩事先同店員講定雞煲要小辣，如果唔係一定要狂飲水
整體上好似食左個蒜蓉為主題既盛宴，再加埋無得輸既大雞煲，的確好滿足
Post
