Mad for Garlic (Closed)

今日往又一城買嘢，由於並非假日，遊人較少，行街購物比較自在。購物完畢之後在附近嘅mad for garlic 食過遲來的午膳。這個時間客人較少，比較容易揾位。食肆裝修簡潔，座位闊落舒適。點了五成熟熱板烤香草肉眼扒配法式芝士薯蓉和蒜香忌廉汁龍蝦肉蟹肉意粉。烤香草肉眼扒煎得唔錯，肉汁都幾豐富，最滋味是原粒煎熟完全没有蒜腥味，口感有點似薯仔，夠晒香甜滋味，熱板上保持温度。龍蝦肉及蟹肉意粉味道唔錯，蒜香忌廉汁煮得幾濃郁香滑，龍蝦肉和蟹肉和意粉拌勻，意粉夠晒腍滑，整個组合很和諧。