Mad for Garlic (Closed)

自己本身唔太喜好食蒜頭，不過聽講呢間韓國餐廳都幾出名，去開又一城就試試佢啦！我哋兩個人叫咗四款食物:蒜頭番茄白酒汁炒八爪魚及蜆$108- 分量細細碗，雖然賣相唔太吸引，但係食落蕃茄汁酸酸地好開胃，蒜味唔太重，八爪魚口感彈牙。蝦、菠蘿、炸蒜片MFG招牌意大利薄餅$138- 薄餅幾特別，炸蒜片同其他材料嘅化學作用做得唔錯，帶出蒜頭嘅香味，不過略嫌菠蘿同蝦嘅份量比較少。蒜香帶子香草忌廉波菜麵$168- 蒜頭喺呢道菜嘅成份相對較多，帶子煎得香脆，本身都新鮮所以食落幾甜，建議加埋蒜片一齊食。賣相幾好。DIY提拉米蘇配意大利手指餅及咖啡甜酒$68- 唔知點解明明啲材料都係一樣，只不過額外加咗啲蒜頭粒，但係所有食材加埋又唔似食緊提拉米蘇，感覺有啲新奇有趣。