Pho Bar (Closed)

今日同個朋友收工相約於中環蒲吧，飲酒越南河粉食都不錯。朋友就試「至尊」湯河，入面有生熟牛柳片，牛腩，牛肉丸，牛柏葉，同扎肉。牛柳片有兩塊，食落幾爽滑，但如果比較喜歡食牛柳片，最好加「配菜-生熟美國頂級牛肉」先至夠。牛腩有點似台灣牛肉麵那種牛腩，牛肉丸都算爽口，彈下彈下，至於牛柏葉同扎肉都不錯。 湯底用牛骨湯道較清同簡潔。小食點左爆炸雞，同秘制薯條。爆炸雞 炸出來幾香口同雞肉肉質新鮮滑滑，配搭三款醬去點住食，其中粉紅色既醬幾搶眼，有蟹子既沙律醬，同普通沙律醬，同芥末沙律醬（好似係）。點超上黎食，比較惹味，但味道偏咸，重口味推介。至於秘制薯條 係香香既粗身薯條，岩岩炸起，食落充滿薯味，幾香口。總體而言，中環黎計$98蚊碗牛肉湯麵，我會比較預期會有更加多牛肉片 同配料同埋 牛肉湯會更加惹味香濃，或包埋餐飲會更好。小食味道唔錯。