潮福蒸氣石鍋 (Closed)

今晚放工，返到屋企，倦得我不願走進廚房煮晚飯，又沒有什麼東西可以食，老公提議，不如出街食飯啦，我當然是贊成。早前，朋友都在說：潮福有一個餐，是任飲任食蒸海鮮的套餐，正合我胃口，食海鮮是我的大愛，無論點烹飪，都是非常不錯的咪道，何況是全蒸宴，更是原味又健康！姬崧茸燉螺肉，盅湯內食材十分豐富，有雞、唐排、姬崧茸菇，難怪湯味十足，清甜又滋潤。淮山雞粥，全晚的精華所在，沒加一點水，都可以煲成粥，仲好綿，完全是用上蒸海鮮的蒸溜水，煲成粥，滴滴精華，鮮味香濃，雖然食得好飽，但這碗粥，是不可錯過的，一定要食。脆皮乳鴿，看似細細隻，但都好多肉，夠厚身，皮脆肉嫩多汁，炸得剛好，火喉十足，不會乾身，美味，一人只得半隻，仲想㖭食！貝殼盛盆，當我地食緊乳鴿時，就放上蜆，剛好時間，食完乳鴿，就可以食蜆，鮮味十足，一些沙都沒有。正！開始蒸海鮮，有生猛龍蝦、海中蝦、鮮鮑魚，貴妃蚌、象拔蚌，樣樣都是生猛又新鮮，肉質彈牙又爽口，鮮中帶甜，美味可口，值得再食！