Video
Read full review
2019-06-13
233 views
尖沙咀返工有樣好，就係可以Lunch買嘢喺海邊食，久唔久慳下錢之餘又唔使同人迫，而且我同寶寶一個喺尖沙咀碼頭返工，一個喺尖東返工，喺海邊食完野都方便大家返公司。今日lunch 我哋就喺唐包點買咗幾款食物一起去海邊食🤪，好浪漫呀🤣🙈！秘製豬軟骨飯 $29秘製醬汁超惹味，用嚟撈白飯一流🤤。豬軟骨🍖質感軟腍，而且容易咬開，炆得好入味。十分推薦！唯一唔好就係有啲碎豬骨，應該係淆湯底時嘅豬骨碎，搞到成日食落好似有渣咁，呢樣可以改善下～足料糯米雞$27真係好足料呀！餡料有一隻雞翼，一件冬菇，三至四片叉燒，¼隻鹹蛋，同埋好多肉碎+汁。生熟度掌握得唔錯，冇蒸過龍一坺嘢嘅糊感，而且味道都幾好😌。不過份量來講就唔算話好多，男仔當一個正餐食嘅話就未必夠食喇，加多個蒸包啦😆。呢度嘅蒸包真係幾好，唔單止好衛生，而且啲包嘅質感鬆軟得來又唔會有溶溶爛爛嘅感覺，通常一般買點心嘅地方，啲包都會係蒸左好耐，蒸到爛晒又濕晒咁，蒸包一濕水就會好難食，呢個情況係唐包點從來都唔會有！所以食中式包點，我都好推薦朋友嚟呢度買蒸包做早餐😝。菜肉包 $7.5包軟綿綿，麵粉嘅香味之中好似有少少甜味，餡料好多，真係幾乎塞滿晒個包咁滯😳，椰菜
秘製豬軟骨飯 $29
秘製豬軟骨飯
$29
9 views
0 likes
0 comments
秘製醬汁超惹味，用嚟撈白飯一流🤤。豬軟骨🍖質感軟腍，而且容易咬開，炆得好入味。十分推薦！唯一唔好就係有啲碎豬骨，應該係淆湯底時嘅豬骨碎，搞到成日食落好似有渣咁，呢樣可以改善下～
足料糯米雞$27
足料糯米雞
$27
6 views
0 likes
0 comments
足料糯米雞
$27
8 views
0 likes
0 comments
真係好足料呀！餡料有一隻雞翼，一件冬菇，三至四片叉燒，¼隻鹹蛋，同埋好多肉碎+汁。生熟度掌握得唔錯，冇蒸過龍一坺嘢嘅糊感，而且味道都幾好😌。不過份量來講就唔算話好多，男仔當一個正餐食嘅話就未必夠食喇，加多個蒸包啦😆。
呢度嘅蒸包真係幾好，唔單止好衛生，而且啲包嘅質感鬆軟得來又唔會有溶溶爛爛嘅感覺，通常一般買點心嘅地方，啲包都會係蒸左好耐，蒸到爛晒又濕晒咁，蒸包一濕水就會好難食，呢個情況係唐包點從來都唔會有！所以食中式包點，我都好推薦朋友嚟呢度買蒸包做早餐😝。
菜肉包 $7.5
菜肉包
4 views
0 likes
0 comments
包軟綿綿，麵粉嘅香味之中好似有少少甜味，餡料好多，真係幾乎塞滿晒個包咁滯😳，椰菜同埋豬肉嘅分布好均勻，熱辣辣，好好味！
叉燒包 $7.5
叉燒包
6 views
0 likes
0 comments
啲餡又係好滿，最滿意就係啲叉燒真係好碎，有時喺酒樓會食到成舊叉燒好似冇切過咁嘅叉燒包，呢度嘅叉燒包就啱啱相反，叉燒餡切得好碎，真係俾小朋友食都唔怕佢會哽親👍🏻，而且叉燒汁都好多，包嘅質感同菜肉包差唔多，都好鬆軟，口感同味道都攞滿分！
山竹牛肉$18
山竹牛肉
$18
1 views
0 likes
0 comments
個樣唔係好靚，睇落好似蒸鯪魚球咁，加咗啲喼汁個樣就好番啲，不過加完又掛住食，唔記得幫佢影返張相🙈。味道正正常常，不過不失，不過入面啲肉係紅紅地嘅，我都唔知到底係唔熟，定係嗰啲點蒸都係紅紅地嘅肉黎😝，Anyway，牛肉黎啫，冇所謂啦🤣！
海鹽檸檬柚子蜜 $9
海鹽檸檬柚子蜜
$9
8 views
0 likes
0 comments
小小的一支，份量不算多，味道不會太甜但柚子味很濃郁，喝起來感覺清新💕。
Post
