新蒸武門 (Closed)

放工後，行經駱駝漆大廈，看見長長ge人龍，原來裹面集結眾多食肆。其中一間最為吸睛ge係新蒸武門。好似我呢d日日都出街食飯，成日食勁多味精，難得呢間標榜食住家菜同無味精，當然要試一試啦。入到去環境闊落，裝潢都幾新正，座位都舒服。我同友人即刻坐低睇menu,侍應又為我地沖左杯菊花紅棗山渣茶，又甜又酸，好適合女仔飲。菜式種類甚多有蔬菜、肉類、海鮮類同小食。我同朋友即刻order姬松茸燉豬展。燉湯濃郁，松茸有回甘，不錯。小食拼盆有炸鯪魚球、蝦條，春卷，炸物味道尚好，亦不油膩。欖菜肉碎四季豆尚算特別，味道不錯。宮廷香辣雞先炸後煮，甚為香口，但稍欠辣味。最後，蒜蓉粉絲蒸扇貝配以生熟蒜，愛蒜之人必定要試，扇貝小型剛好適合女仔食用。