九重鮮 (Closed)

吾知呢度多吾多人同我一樣中意食海鮮？我自己本身系好中意食海鮮😍平時食放題就放題就食得多，火鍋、日式放題等等，所包含嘅材料相信唔洗多講，大家都知有啲咩。前排去咗親戚黃埔嘅屋企拜年，晏晝大家又諗唔到食咩好，佢哋推介我哋去一間蒸氣海鮮火鍋店。真係勁耐冇食蒸氣火鍋🤩海蝦、海蜆、鮮蠔呢啲大路嘅海鮮都有，平日$268/位，週末$298/位，仲有大量款式嘅食材任食😆之前喺啲韓國餐廳食過泡菜煎餅同埋海鮮煎餅，呢度嘅系泡菜海鮮煎餅🥞兩樣嘢組合埋一齊😁睇落好似一舊嘢咁😂食落比想像中好食，泡菜味幾明顯，海鮮方面就好似食到啲魷魚粒。向來好鍾意食海鮮，尤其係蜆殼類嘅嘢，佢有元貝對我黎講簡直係恩賜😻蒜蓉粉絲蒸扇貝，啲蒜蓉粉絲幾入味，蒸完之後好淋。元貝嘅size都ok嘅，至起碼咬落唔會話太硬。最正嘅海鮮莫過於龍蝦啦😍成大隻龍蝦喺眼前都米話吾壯觀🦞仲有鮑魚。龍蝦有少少痴殼，要用多啲力先抆到出黎😅味道就過得去，都幾爽口，新鮮程度尚可，我鍾意食扇貝多啲。呢度嘅海蝦比得十分慷慨，可以用手機掃QR code無限添加！海蝦真係非常好食😋🦐係隻隻都好鮮甜，冇海水味，咁多樣海鮮最滿意呢樣。有份銀紙海蜆，用錫紙包住嘅野，保溫更持久。