天聚源 (Closed)

由藍地大街淨係得茶餐廳嘅日子，到依家佢開特別嘅食肆開到成行成列，真係估佢唔到，平時都會食佢間西餐廳，今次見宵夜有特價，就去咗食依間蒸氣火鍋🚂七五折又真係幾抵😗😗經過佢個弄堂去到後院別有洞天，入到去見到大大個煲係枱尾，連住一個氣喉同蒸餾水，又真係幾特別😲煲底係生米，好緊張，好想食海鮮粥🍲上基本配料同沙律，一邊食沙律一邊等可以放海鮮😼✨有花甲、大蜆、沙白同貝貝蜆，貝貝蜆同沙白非常鮮甜，而且數量夠多🐿反而蚌冇咁鮮甜同好似老咗少少🤧因為海蝦冇哂，所以換咗花螺比我哋，份量都唔少，肉質鮮美😗😗💕帶子都幾甜，唔算厚肉，但都叫做唔錯🙈走地雞唔算肥，迫咗一陣雞油出嚟就更加健康🐔龍蝦係泰國嚟嘅，唔算重味但勝在夠彈牙，點埋豉油就完美🙆🏻最後嘅粥加葱加生菜，比想像中好味，加埋少少配料，我哋食哂成煲🤤宵夜嚟講真係幾抵食🚂🚂🚂