天聚源 (Closed)

嗰日同老婆喺藍地大街 行街，去到天聚源 蒸氣火鍋 。叫咗個 蒸海鮮 二人套餐 。食物包括有 龍蝦 ，海蝦 ，貴妃蚌 ，大蟶子， 花甲 ，特大扇貝同特大蜆 ， 羅浮山走地 雞。 同埋烏冬同沙律 真係非常豐富喎。 餐廳一早已經安排咗啲 米 喺個蒸鍋度 。 啲海鮮非常新鮮 ，蒸啲時間啱啱好 。走地雞 雞味豐富 非常 嫩滑 可口 。 烏冬同沙律醬汁調較得酸酸甜甜非常惹味， 食完之後再食海鮮就 一流 。而最驚喜嘅一樣嘢就係嗰啲粥啦， 啲海鮮嘅精華喺曬啲粥度。 我同我老婆都食咗兩大碗 。結果捧住個肚飽飽地咁回家， 今餐真係有驚喜哦。