唐包點 (港鐵長沙灣站)

Open Now

Now Closed

長沙灣港鐵站開咗同唐包點，買咗佢哋嘅蒸包同埋蒸飯試吓，買完之後上網睇吓原來同另外一間唐記包點係唔一樣嘅，唔怪得知個蒸飯係用圓碗而唔係用飯盒裝啦，咁都買咗冇辦法啦就都要食。番薯包＄7，個味道都不錯，食得出有絲絲嘅番薯，帶少許甜味，包皮亦都整得不錯夠鉛鋅，整體上都似另外一間嘅蒸包。北菇雞飯＄25，一打開嘅時候得一粒冬菇，冬菇蒸得夠軟身，雞肉有驚喜，肉質嫩滑，雞味一般，飯粒分明，屬於乾身嘅蒸飯，但係可能放涼左嘅關係會黐埋一舊舊，份量偏少，下次唔會再買佢哋嘅蒸飯，蒸包嘅話就會再試。