Video
Read full review
2019-01-25
1057 views
2019年1月21日。晴。深水埗。放工約咗朋友喺深水埗食飯～想食打冷，見到附近有呢間潮菜館，即管試下睇得出主要做街坊生意，但食落發現不得了！簡直係禾桿冚珍珠！去到都8點幾，但係餐廳都坐滿晒咁滯好彩都仲安排到近門口嘅卡位畀我哋坐呢日店員推介凍蟹，$100一隻，$180兩隻大大隻，睇落都好吸引，不過唔想蟹咁麻煩，所以就叫其他凍魚烏頭，$108其他凍魚選擇仲有牙帶、大眼雞同筍殼，視乎當日有咩魚烏頭大大條，只有大條骨，唔驚會哽親魚尾仲掛住個本地元朗出產認證牌，保證食得放心～烏頭肉質實淨唔霉，鹹鮮味十足，魚皮嗰面仲見到鹽粒，醃得非常入味～就咁食得，仲有麵豉醬沾醬，夾埋一齊食食味道更濃郁牛三寶麵，$36朋友點嘅牛三寶麵，$36大大碗，抵食！三寶係牛腩、牛肚同牛筋食咗一舊牛肚，軟腍入味生菜，$18份量好多，食極都仲有冰鎮墨魚，$88最大驚喜係佢！一上枱已經畀佢個造型吸引住，擺盤勁靚，同日式墨魚刺身有得揮再加埋個wasabi豉油，九成相似食落更加驚為天人！！！墨魚肉爽滑彈牙，有咬口但唔會韌超級好味！！！！！大推！鎮店蠔仔粥，$52$52一碗勁滿嘅蠔仔粥，雖然蠔仔唔大粒，但勝在數量多差唔多每啖都會食到非
放工約咗朋友喺深水埗食飯～
想食打冷，見到附近有呢間潮菜館，即管試下
睇得出主要做街坊生意，但食落發現不得了！
簡直係禾桿冚珍珠！
去到都8點幾，但係餐廳都坐滿晒咁滯
好彩都仲安排到近門口嘅卡位畀我哋坐
呢日店員推介凍蟹，$100一隻，$180兩隻
大大隻，睇落都好吸引，不過唔想蟹咁麻煩，所以就叫其他凍魚
烏頭
$108
31 views
0 likes
0 comments
烏頭，$108
其他凍魚選擇仲有牙帶、大眼雞同筍殼，視乎當日有咩魚
烏頭大大條，只有大條骨，唔驚會哽親
魚尾仲掛住個本地元朗出產認證牌，保證食得放心～
烏頭肉質實淨唔霉，鹹鮮味十足，魚皮嗰面仲見到鹽粒，醃得非常入味～
就咁食得，仲有麵豉醬沾醬，夾埋一齊食食味道更濃郁
牛三寶麵
$36
35 views
0 likes
0 comments
牛三寶麵，$36
朋友點嘅牛三寶麵，$36大大碗，抵食！
三寶係牛腩、牛肚同牛筋
食咗一舊牛肚，軟腍入味
生菜
$18
29 views
0 likes
0 comments
生菜，$18
份量好多，食極都仲有
冰鎮墨魚
$88
29 views
0 likes
0 comments
冰鎮墨魚，$88
最大驚喜係佢！
一上枱已經畀佢個造型吸引住，擺盤勁靚，同日式墨魚刺身有得揮
再加埋個wasabi豉油，九成相似
食落更加驚為天人！！！
墨魚肉爽滑彈牙，有咬口但唔會韌
超級好味！！！！！
大推！
鎮店蠔仔粥
$52
20 views
0 likes
0 comments
鎮店蠔仔粥，$52
$52一碗勁滿嘅蠔仔粥，雖然蠔仔唔大粒，但勝在數量多
差唔多每啖都會食到
非常鮮味，抵食！
成餐飯不停覺得好驚艷，點解可以咁平，咁抵食！
希望餐廳一直都保持大眾化收費，令街坊繼續可以用蔗渣嘅價錢食滷水鵝！
Post
