Video
Read full review
2019-12-09
254 views
晨早路過好天氣，拍張靚影啦！第四次試射龍門都係失敗，再次懲罰唔到龍門冰室，實在太多有心市民前來圍倒，實在太多有心人尊登到訪支持，唯有再等機會喇﹗每段時間都排著長龍，唯有等有緣再訪，加油！既然如此就求其是鬼但，趕時間是但行過隔離茶記求期食。林記腸粉未開門，隔離蒙車仔麵排長龍，再到金牌牛什環境衛生惡差，都係放棄。走到壇香山午市無蒸餸，是膠但快餐，夠鐘返公司喇！步入茶餐廳，即時被兇猛異味強襲！忍耐忍耐，坐多陣開始習慣。午市無蒸餸食，無緊要。早有心理準備，所以諗定叫午餐，嬸嬸轉身跑走，我都未點菜！要老遠連環幾聲唔該先返轉頭，激死我！杯熱檸茶有陣陣漂白水味，嚇死朕咩！四眼嬸嬸似乎不太情願地換過兩杯比我地。乾燒伊麵，靜蠅蠅欠鑊氣悶悶的，淨食伊麵嚥嚥韌韌豉油皇。芽菜勁草腥要挑埋一邊，草菇散晒成塊皮兼有霉味，連同事都話吃不消，唔係我個人問題呢。原來午市無小菜無蒸魚，大家極感失落，隨便幾個快餐算吧！個個都舒伏晒。焗豬扒飯，最初想食焗豬扒飯，醒起早餐食豬扒烏冬，轉轉食焗雞扒啦。先入為主口快快叫錯焗豬扒，食緊先記起我要叫雞架喎！即造焗飯需時請耐心等候，最少十五分鐘走唔甩，罐頭鮮橙色茄汁不及螢光有趣，很有兒時
林記腸粉未開門，隔離蒙車仔麵排長龍，再到金牌牛什環境衛生惡差，都係放棄。走到壇香山午市無蒸餸，是膠但快餐，夠鐘返公司喇！步入茶餐廳，即時被兇猛異味強襲！忍耐忍耐，坐多陣開始習慣。午市無蒸餸食，無緊要。早有心理準備，所以諗定叫午餐，嬸嬸轉身跑走，我都未點菜！要老遠連環幾聲唔該先返轉頭，激死我！
杯熱檸茶有陣陣漂白水味，嚇死朕咩！四眼嬸嬸似乎不太情願地換過兩杯比我地。
乾燒伊麵，靜蠅蠅欠鑊氣悶悶的，淨食伊麵嚥嚥韌韌豉油皇。芽菜勁草腥要挑埋一邊，草菇散晒成塊皮兼有霉味，連同事都話吃不消，唔係我個人問題呢。原來午市無小菜無蒸魚，大家極感失落，隨便幾個快餐算吧！個個都舒伏晒。
焗豬扒飯，最初想食焗豬扒飯，醒起早餐食豬扒烏冬，轉轉食焗雞扒啦。先入為主口快快叫錯焗豬扒，食緊先記起我要叫雞架喎！即造焗飯需時請耐心等候，最少十五分鐘走唔甩，罐頭鮮橙色茄汁不及螢光有趣，很有兒時風味，如果加幾片鮮茄洋蔥就更賞心悅目。
濕爛爛的炒飯，只得零星蛋粉碎，馬馬虎虎，完全提不起勁進食，唯有茄汁火腿送飯或是一啖豬扒一啖飯。係喎，點解有火腿架？最後頂硬上都只能免強食到三分一飯，已盡力十分抱歉。豬扒少少鬆少少彈，醃味重手強烈程深啡色，咸咸配飯齊趙還頂得住。
臘味炒飯，飯已經炒得比較濕，加埋菜炒就更濕。鑊氣微弱，味道悶悶調單不堪，食兩啖已經想放棄。臘腸膶腸臘肉炒得不夠透徹，甘香油脂還未釋出，而且臘肉儲存不夠妥當，有點油溢味道。
豆腐火腩飯炒底，炒飯功力真的強差人意，蛋香飯香鑊氣都欠奉。豆腐內外都充滿暖意，外皮香口，白肉滑滑，淡淡豆腐撞咸咸芡汁蠻不錯。濕濕沒鑊氣的炒飯，真使人傷腦筋！，咸咸火腩爽肉搭淡味炒飯也蠻美妙，最後只清掉半碟飯，實在抱歉。
凍檸茶走甜，通透茶色，清新不澀，檸汁檸皮味，消滯透心涼。
梅菜扣肉飯，間中麻甩一下，應該穩陣無難度。勁多梅菜非常有誠意，使得我心心眼再現。首次遇上腩片薄切，夠獨特！而且係咸梅菜不是甜梅菜喎。連個天都要我食肥肥，雖然我還有配額都唔可以隨便浪費架！
極多肥膏白雪雪呢！入口微爽不腍劈劈不覺油淋淋，豬油早已溶化被梅菜蓉完全吸收。濕潤菜汁油香梅菜蓉，加入少量辣椒，略咸味濃少少辣，別有一番風味。油潤肥膏搭鬆化瘦肉片，搭埋辣味菜蓉，堅好送飯！忍不住吞下整碗飯，還想諗食呢！太可惡，太邪惡，人家減緊磅諗住只食半碗架乍。
熱奶茶
8 views
0 likes
0 comments
乾燒伊麵
6 views
0 likes
0 comments
焗豬扒飯
7 views
0 likes
0 comments
焗豬扒飯
2 views
0 likes
0 comments
熱檸茶走甜
5 views
0 likes
0 comments
臘味炒飯
9 views
0 likes
0 comments
豆腐火腩飯炒底
5 views
0 likes
0 comments
凍檸茶走甜
2 views
0 likes
0 comments
梅菜扣肉飯
6 views
0 likes
0 comments
梅菜扣肉飯
6 views
0 likes
0 comments
梅菜扣肉飯
9 views
0 likes
0 comments
Post
