Video
Read full review
2024-10-17
1064 views
收藏咗呢間餐廳一段時間，見佢有素、肉食供應，趁同朋友聚會，就嚟呢度試下。平日夜晚，話曬係尖沙咀，餐廳仲座落i square，估唔到只得幾檯客，非常冷清；附近另外幾間餐廳同樣冇乜客。夜晚堂食，餐牌上的食物有75折。不過，當食完呢餐後，朋友忍唔住話：「呢間餐廳可能好快執~」4個人點咗2份晚餐，再以「優惠」價加配小食、飲品，另外點咗餐牌上2款食物。餐湯：餐湯係跟晚餐，侍應話係椰菜花湯，顏色唔吸引，味道尚可但冇乜特別；份量細；湯唔係creamy果種湯，似係椰菜花加清湯blend埋，清清哋都可以餐包：細細個，1、2啖食完，軟硬適中，略帶鹹味，唔搽牛油都好食（晚餐）德國鹹豬手配酸菜$208：賣相一般，睇落幾大份，切細件後亦相當多肉，但乾柴咗啲，朋友食淨大半碟，可能味道唔太啱食？我食咗墊底的德國鹹酸菜，味道好好，份量唔係太多，另外伴碟仲有長柄西蘭花、長型小甘荀同埋一個芝士薯蓉餅之類，3個配菜算好食，只係唔知隻豬手出咗咩問題，朋友唔識欣賞（晚餐）鯛魚配薯蓉：唔記得幾錢，但賣相差過一般平民西餐廳，亂咁擺，欠美感（除咗甜品、飲品，大部分食物都係咁），件魚柳的色水唔係金黃色，係淺啡黃色，未食presenta
平日夜晚，話曬係尖沙咀，餐廳仲座落i square，估唔到只得幾檯客，非常冷清；附近另外幾間餐廳同樣冇乜客。夜晚堂食，餐牌上的食物有75折。不過，當食完呢餐後，朋友忍唔住話：「呢間餐廳可能好快執~」
4個人點咗2份晚餐，再以「優惠」價加配小食、飲品，另外點咗餐牌上2款食物。
餐湯：餐湯係跟晚餐，侍應話係椰菜花湯，顏色唔吸引，味道尚可但冇乜特別；份量細；湯唔係creamy果種湯，似係椰菜花加清湯blend埋，清清哋都可以
餐包：細細個，1、2啖食完，軟硬適中，略帶鹹味，唔搽牛油都好食
（晚餐）德國鹹豬手配酸菜$208：賣相一般，睇落幾大份，切細件後亦相當多肉，但乾柴咗啲，朋友食淨大半碟，可能味道唔太啱食？我食咗墊底的德國鹹酸菜，味道好好，份量唔係太多，另外伴碟仲有長柄西蘭花、長型小甘荀同埋一個芝士薯蓉餅之類，3個配菜算好食，只係唔知隻豬手出咗咩問題，朋友唔識欣賞
（晚餐）鯛魚配薯蓉：唔記得幾錢，但賣相差過一般平民西餐廳，亂咁擺，欠美感（除咗甜品、飲品，大部分食物都係咁），件魚柳的色水唔係金黃色，係淺啡黃色，未食presentation經已輸蝕。薯蓉creamy，尤其配埋魚柳的忌廉汁幾好食，但忌廉汁唔多；伴碟蔬菜都係豬手果2樣；呢碟食淨得少，因為佢份量唔係好多，2件薄薄的魚柳，而最後食剩1件，朋友都冇食埋佢
防風草羽衣甘藍柑橘松子仁沙律配青檸檬橄欖油黑醋汁$158：未聽過防風草，唔知係乜，好奇心驅使下點咗呢個沙律；送上時覺得$158得咁少，食水勁深；但啲蔬菜係幾高水準，羽衣甘藍冇一般的咁硬，亦冇果陣草味；防風草的味道有啲似茄子；橙睇落唔係一般貨色，似血橙咁偏橙紅色，細細件；松子仁份量都多；個汁開胃；不過，如果按原價，加一後>$170，CP值都好低（而家有75折，算係好少少）
田園沙律，小（跟餐+$28）：沙律係一般西餐廳會免費跟餐的份量同食材：沙律菜、車厘茄同粟米，油醋汁，勁普通，亦細碗，$28唔係好合理
芝士蛋黃醬灸燒粟米$88：呢個前菜幾特別，都好食；灸燒但唔會好熱氣，醬料幾特別，惹味；一碟6小件，如果睇食材價格，就點都唔會覺得抵食，不過，佢的味道以及原材料的品質都唔差
忌廉蟹餅（跟餐+38？48？）：總共有3件，份量算多，應該係現行冷藏食品
秋葵釀肉（跟餐+$28？38？）：有4件，秋葵係細size，朋友食咗覺得啲肉味有少少怪
藍莓芝士蛋糕（跟餐+$28？38？）：甜品睇落唔錯；普通藍莓芝士餅的味道，偏甜
蜜桃冰果茶（跟餐+$34）：上檯時覺得杯飲品又大杯又靚，只係顏色麻麻地，略帶慘白；2位朋友飲咗，1個覺得ok（唔甜，健康啲），另1個覺得好伏（咁樣飲嚟做乜？），而雙方都同意的一點係：飲品冇桃味~
熱美式咖啡：一般
Post
