蕃茄仔

Open Now

Now Closed

作為蕃茄愛好者，一早已經聽過蕃茄仔，但一直都未去食過，啱啱個星期六終於有機會去食，lunch時間都未full，可能因為假日而果頭又大部分係寫字樓。叫左個原味蕃茄湯配雞扒刀削麵，個湯底質地介乎蕃茄蓉同湯之間，味道係淡淡嘅新鮮蕃茄味，唔會好酸，亦唔會太濃味，係好食又好健康嘅感覺，我幾乎係清哂成個湯。加埋個雞扒都非常嫩滑，味道都係啱啱好，正啊。朋友仔仲加左枝茶走，包裝幾得意，不過味道就比較普通，無乜特點，價錢都相對貴，下次就未必會加點啦。整體非常不錯，有機會再經過都會想再食。