番茄師兄

Open Now

Now Closed

又嚟到灣仔上堂，朋友極力推薦蕃茄師兄啲蕃茄湯，本身好怕好假嘅蕃茄味，但最後都決定嚟試下。黑魚片烏冬加粟米滑蛋 配招牌蕃茄湯蕃茄湯的確好濃好杰，啲味亦都唔假，嫌有啲甜，始終蕃茄味又唔算好出，冇期望都冇失望。烏冬係好食讚岐烏冬嗰種，彈牙，幼身好掛湯！反而魚片真係驚喜，好滑好薄冇腥味。滑蛋的確夠滑，唔老，唔油膩，有蛋香。滑蛋牛肉蛋包飯牛肉夠滑，唔鞋，唔會落咗太多鬆肉粉搞到啲牛肉冇晒口感。滑蛋同樓上嗰個一樣咁滑，蕃茄汁冇蕃茄湯咁濃，個人覺得同蛋包飯唔算太夾。但值得一讚啲飯係炒底，香好多。下次嚟都係會食返烏冬湯麵！