番茄師兄 (Closed)

今次探望住係元朗嘅朋友仔，佢帶我黎到元朗廣場附近嘅蕃茄師兄，身為蕃茄濃湯愛好者嘅我，真係充滿著期待😊因為店舖唔多座位而且仍然係午餐時間，所以我同朋友都等左一陣先正式入到座，其實係門口等位嘅時候已經可以有餐牌睇同自助圈低食啲咩喇～但係因為枝筆太難畫呢度就有少少不便～我同朋友好快就揀好～我就揀左名物滑一滑拉麵加粟米，朋友揀左有元貝嘅拉麵，我地仲叫左檸檬冬瓜茶消暑降火添🤗坐低傾左陣之後食物好快就上台，深紅色嘅湯底好吸睛👀而我地都覺得蕃茄湯底唔錯，拉麵都彈牙～只係重口味嘅我地就覺得蕃茄味未夠心目中濃郁～至於飲品方便，檸檬冬瓜茶樽身夠晒特別，而清清地口味又消暑又解膩～價錢合理，出餐快速～食得開心😊