The Tomato Story (Closed)

作為一個蕃茄控，當然要試下以蕃茄做主食既餐廳喇！一坐低，佢既墊枱紙就係佢既menu，諗好好耐食乜，最後嗌左個蕃茄牛肋肉蛋包飯。蛋略嫌熟左少少，唔夠滑，不過係真係包住哂成個飯，連個底部都有蛋，唔係淨係CUM係面既蓋飯。入面既飯都有蕃茄，好香好好味。牛肋肉都唔錯，幾有咬口，唔會太硬或者太靭。焗過既車厘茄，食既時候最好成粒咬，費事爆汁。整體來說都唔錯，係我想像中既蛋包飯，而且幾足料，蕃茄亦都無處不在，不過味精就最好落少啲，食完有啲口乾。