番茄師兄 (Closed)

想食呢間好耐，可惜大部分分店都大排長龍，要食到真係唔容易。撞正今日落雨天，人少好多，終於下定決心要來一試朋友都大力推薦既餐廳。老板係各方面都落足心思，湯麵既款式、套餐名稱都相當有創意，難怪經常大排長龍。除左牛既款式多之外，仲有海鮮、丸、雞翼、豬扒之類既配搭。而且仲可以揀埋追加炒蛋、芝士之類做配菜。麵既款式亦可以自由配搭，除左大路野，仲可以揀比較特別既日式拉麵或以生菜代替麵。今日我地揀左以牛為主既湯麵，兩款既湯底都好重蕃茄同牛味，令胃口大增，而且份量超足，食完真係超級飽。