蕃滿門 (Closed)

見到蕃滿門門口貼住大大張poster， 可以自行選餸，好似車仔麵咁點餐。首先揀餸， 係十款餸裏面揀一款餸，我揀左六隻餃子。之後再喺三款湯底裏面揀一款，我揀咗雙重芝士。再喺主食裏面揀一款，我揀咗螺絲粉。然後按自己嘅喜好加唔同程度嘅辣。最後再揀嘢飲，每日會有兩款特色飲品， 我去當日有甘草羅漢果茶同埋洛神花茶揀， 我揀咗後者。蕃茄湯底飲落酸酸辣辣， 好惹味。再配上少許茄肉， 令到湯底嘅味道層次更為豐富。 湯底叫雙重芝士，但食落好似淨係得一種芝士。芝士拉絲拉得唔錯，但味道就比較淡。螺絲粉軟硬適中，掛上湯底非常之好食炒蛋滑捋捋，味道唔錯。泡菜餃子分碟另上 ， 賣相一般般 。食落外皮脆脆，內裏嘅肉餡帶有泡菜香味，但係就欠缺辣味。洛神花茶唔會話個酸， 亦都唔會話過甜。 平時飲慣咗奶茶咖啡檸茶檸水，想轉下口味嘅話，黎下呢間都唔錯。