葡點茶餐廳 (Closed)

這天和幾個朋友來這間葡式茶餐廳，位置在體育會地下，很多位，我地七個人坐在一張大圓枱，比較難傾偈，而且有人搭枱比較嘈。午市套餐都有好幾樣野食揀，不過就無乜葡國feel嘞，我地只係當去一間茶餐廳唧。我叫了個蕃茄湯牛肉湯飯因爲貪佢無甘肥，其他野食卡路里比較高。侍應送餐比較亂，問來問去才確定係我地叫的，又問我地枱號係乜。餐具也不夠用，我朋友要用搭枱個個人洗左唔用個D。我叫的湯飯味道幾好。蕃茄湯有甜味，有薯仔粒粒。牛肉都算多了，都軟熟的，幾好食。不過飯粒卻比較硬了，好像吸不到蕃茄湯味甘。套餐仲有杯飲品，我叫了熱檸水，都幾好飲。