樓下冰室

Open Now

Now Closed

茶餐廳永遠都係香港人嘅文化，今日經過荃灣就去「樓下冰室」，一間有唔少屬於香港文化特色裝飾嘅茶餐廳！閑日嘅夜晚人唔太多，大概夜晚七點右左坐底。茶餐廳姐姐都好熱情招待。咁我哋就點咗一份特色蕃茄濃湯通粉（轉咗米線）配牛乳炒蛋配瑞士雞翼、一份自家製蔥花叉燒滑蛋飯，仲有一份雞湯浸什菇娃娃菜。特色蕃茄濃湯通粉（轉咗米線）配牛乳炒蛋瑞士雞翼：湯底有好多一粒粒蕃茄，冇味精味，飲落有濃濃新鮮蕃茄味😋米線亦唔太霖身！牛乳炒蛋幾滑，牛奶味唔重，浸落蕃茄湯到幾好食😋瑞士雞翼：有二隻雞全翼，兩隻都超級入味，肉質幾嫩，小雞鎚都好嫩😋有好多瑞士汁墊底😋自家製蔥花叉燒滑蛋飯：超級大碗（男仔一個食都好飽！）叉燒半肥瘦，肉質食落一啲都唔柴！滑蛋裏面有蔥花，食落幾清新😋仲有必備嘅甜豉油！成碗嘢（白飯底）撈埋一齊食好好食😋雞湯浸雜菇娃娃菜：娃娃菜一大棵，嗰湯都底有陣陣鮮菇味，有啲似酒樓嘅上湯菜煲😋大家經過而又想食茶餐廳都可以試吓🪅🪅