樓下冰室 (Closed)

一向都知路德圍多好野食😆今日放假同母親大人黎荃灣辦年貨，就帶埋媽媽去食好西啦😗下午茶時段都人流不斷，但未致於要等位等好耐既。我就嗌左個蕃茄濃湯通粉配牛乳炒蛋加招牌瑞士雞脾、媽媽就揀左招牌蕃茄焗豬扒飯😋1)蕃茄濃湯通粉配牛乳炒蛋加招牌瑞士雞脾- 哩個茶餐有成13款小食可以配搭，而我今之就揀左最出名既瑞士汁大雞脾🍗。果然係名不虛傳，瑞士汁甜而不膩，雞脾又滷得夠入味又大大隻。茄通同雞脾會分開上，而雞脾就要等多一陣子啦。2)招牌蕃茄焗豬扒飯- 焗豬扒飯要得10-15分鐘左右，因為炒飯底係即叫即炒然後再焗。豬扒飯夠足料，有成兩大塊煎豬扒，炒飯底夠香又炒得好乾身👍🏻3)麻辣脆雞粒- 見到哩個小食就忍唔住啦😆同連鎖快餐店有得揮喎，份量都有成10幾粒，香脆可口又唔會太辣，過足口癮😋4) 綠椰冰+華田脆脆- 紅豆冰就飲得多啦，綠豆冰就第一次啦，唔會過甜可以一試。凍華田加朱古力脆脆就不過不失。