哈妃 (Closed)

難得黎到天后，梗係要食埋甜品先走！無意中留意到呢間新開的甜品店，款式唔算多，但樣樣都吸引。咁就一於試下啦。新開張原來仲送每人一杯花茶添，即時覺得又抵食咗，哈哈！叫佐一個招牌香蕉拖肥脆脆杯($58)，老闆娘親切地介紹佢哋係用以色列香蕉，好特別，一試，以色列香蕉嘅蕉味真係比平時嗰d突出同香好多。整個脆脆杯層次豐富，有面頭嘅脆脆，忌廉，雪糕，香蕉粒，淋上拖肥汁，即時有香滑又濕潤。特別欣賞嘅係，拖肥汁唔會太甜太漏，連埋香蕉一齊食味道最夾。另一欣賞嘅地方係，伴碟有好多水果，例如哈密瓜，提子，藍莓等等，感覺健康又清新！最後，都要再讚。呢度服務好好，年青女侍應經常笑容滿面，而且新開張都有禮貌地聽取顧客意見，難得好的服務態度啊。