金記冰室 (置富南區廣場) (Closed)

今晚天色好靚，紅色雲層吸引咗我去半山走一轉，唔覺唔覺去咗薄扶林，就喺嗰度嘅金記冰室買外賣晚餐返屋企。我每次食極唔厭嘅當然有咖哩牛舌意粉，加綿滑蛋白杏仁茶。好中意冇骨啖啖肉咁食。我個妹就想食傳統啲但無得輸嘅魚香茄子飯，一向都成功令人食晒所有白飯。爸爸就中意口味濃啲嘅欖菜雞粒炒飯，欖菜香味往往成為主角。媽媽要食得健康啲，叫咗個春日限定嘅清甜蜜桃炒飯，蜜桃加蝦仁，唔會太肥，又清新。我就再叫咗個惹味黑椒牛舌粒炒飯，黑椒味好嗆，非常開胃好味。