Wildfire (Closed)

唔知點解咁巧合今個星期四同上個星期四既行程幾乎一樣咁制，因為圓方睇戲真係幾好，所以好多時都選擇左呢度。睇戲前非常肚餓，所以要食d野先，黎到呢度門口見佢有tea set個d咁就入左去啦，入到去原來佢tea set連menu都無得睇，得一款架姐，咁就是旦啦，就叫呢個，唔駛諗。個tea set黎到都幾多野食wor，甜咸點各一層，跟住中間個層係pizza黎架，佢個pizza係要整耐d架，所以佢黎住其他先，pizza之後再補上。食完呢個夜晚食少d都得啦。我覺得佢d咸點都係好過甜點，佢最上層有 2 塊魚柳同 2 隻雞翼，我覺得雞翼好味呀，好香脆可口，雖然鹹左少少。魚柳就幾好，外脆內滑，點埋個沙律醬剛剛好。佢另外仲有d tart咁樣，就不過不失啦。中間個層pizza我覺得最好食，不過肥左少少，2 個人呢個份量都唔算少，佢個底好薄，但有d辣肉腸同埋幾多芝士，d芝士幾香架，所以覺得好味! 下面個層甜點就普普通通，不過不失，我連自己食左d咩都唔係好記得，剩係印象中有兩個果撻，其他就唔記得lu......個餐仲有 2 杯餐茶，我覺得都算幾抵食，個份量幾多下，不過都係一d味道比較濃烈既食物，食完夜晚都想食清d