池記 (Closed)

因為上次去食野個時，埋單個時餐廳比左張6蚊coupon比我下次黎用，所以今日嘅下午茶都係過池記食啦。叫左個牛腩米($42)飲熱薏米水。杯薏米水黎到個時有小小驚喜，因為真係有粒粒薏米係到。嘢飲唔太熱，岩岩好入到口，亦都唔會過甜，薏米煲得好淋，有淡淡的清甜味。牛腩米實而不華，米粉爽口，湯底雖然較清，但都夠味。牛腩好軟好淋好入味，真係啖啖滋味，可惜得兩舊。因為有6蚊coupon，所以埋單係36蚊，價錢普普通通都叫OK嘅。