丸和食堂 (Closed)

這晚來到上水找朋友，見到這間丸和食堂裝修企理，於是入去試下。先點了胡蔴車厘茄蟹籽冷豆腐，豆腐在濃郁的蔴醬及鮮甜的車厘茄點綴下，特別香特別清新。加上天氣熱，食返啖冷豆腐，即刻舒服曬🤗朋友鍾情海產，一口氣點了北寄貝、甜蝦、雪場蟹棒壽司，用料新鮮充足，一件小小的壽司分別有三大隻甜蝦、三條蟹棒，正😋另外的腐皮壽司豆味濃。加州卷蟹子脆卜卜，味道清新。蒜蓉燒蠔，幾新鮮、蒜蓉香。照燒原隻魷魚筒，燒汁惹味濃郁，魷魚有咬口得來又易咀嚼。全晚亮點是，嘩，點解食日本嘢有迷你西多士？一咬之下，不得了，原來內裏係芝士、還是流心的。原來這件疑似西多士，是丸和食堂的名物薩摩流心芝士魚餅！可惜太飽，否則一定encore!朋友說很喜歡這一餐，話以後不用逼車出去食飯了，來丸和就得！