薯仔屋 (Closed)

7月1日同班朋友一齊去遊行，眼見4點開始但2點就封路，所以決定約早少少食嘢順便等到行得先動身，其中一個朋友就建議幾年未去過既薯仔屋，貪佢唔喺大街唔會比封路阻到，咁我地一行5人就走咗上去。下午得我地一枱客, (定係7.1無人敢去銅鑼灣食下午茶呢)，我地坐喺角落梳化位置，對住播緊電視節目嘅screen，好似喺屋企睇緊電視咁舒服，又可以一路睇住新聞講遊行情況。之後侍應就拎咗餐牌嚟，有好多款下午茶選擇! 價錢約5,60蚊一份包一杯嘢飲，一般Café嘅價錢。感覺上去到薯仔屋一定係要食薯仔 xD，所以我就叫咗個薯仔屋鋪天薯條再加10蚊飲香芋沙冰！當waiter serve到嚟，薯條上面本身已經淋滿gravy醬同芝士，仲要serve埋sour cream，茄汁同BBQ醬，一碟薯條都可以有咁多種口味同食法，食落熱辣辣又Juicy，算有誠意之作!杯香芋沙冰感覺幾得意，飲頭幾啖覺得太甜，同waiter 講，佢就拎走咗幫我調較，之後就啱飲哂，服務態度非常好！朋友仔為飽肚就叫咗個白汁吞拿魚意粉，好夠汁，意粉又無煮過龍啱啱好！向來唔會對café 食物質素有大期望，但薯仔屋保持質素, 乾淨舒服, 都算令我驚喜 =