La Vache!

Open Now

Now Closed

同朋友慕名而來，呢間餐廳好特別，只有一個餐-「肉眼排餐」可以叫，都幾有自信同大膽😎咁我哋就每人叫咗一份，佢嘅餐包好食，但外皮好硬下（可能係法包個類？），但內裏係好軟綿又香，配埋牛油is very nice.係我覺得全個餐入邊最好食😂佢地仲有沙律，調味得好食，但啲菜食落無sap sap 聲，口感欠奉，但味道上唔會令我覺得唔新鮮，令人驚喜係佢有啲nuts👍主角rib eye賣相係靚嘅， 牛味都重， 但以3成熟黎講， 個肉質都幾un 下。由於佢都幾大份，所以都咬到我哋懷疑人生 ...我哋一致覺得自己屋企煎個啲仲好食啲😅😂唯一想讚一讚係佢哋會用蠟燭幫舊牛肉保溫。啲薯條係任裝， 口感出色，脆脆地咁，但味道稍咸，食幾條就覺得好食嘅，但食多啲就覺得好咸，所以即使餐廳只幫我裝咗一次， 我都只食到一半。間餐廳裝修幾特別， 有種懷舊西餐feel 。最後，因為間餐廳會播歌同搖下樂器咁幫壽星慶祝， 我諗個晚起碼聽咗10次以上幾大聲嘅生日歌🤣所以想慶生嘅話可以考慮去嘅， 但唔鍾意嘈嘅人， 去前就要三思。