Video
Read full review
2022-08-13
1351 views
La Vache!哩間扒房已經好多人介紹過，今次可能就嚟打風，經過見冇乜人就同男朋友試一試。內裏燈光柔和，枱布用上懷舊嘅紅白格仔布，店員好多都係外國人，好有外國感覺。成間餐廳得一款牛扒餐，好啱選擇困難人士。-------------------------🥩牛扒碟下面有個小蠟燭，可以保持住牛扒嘅熱度。男朋友叫咗medium rare，而我叫咗 medium。但2份好似都差唔多，仲有啲overcooked。所以如果唔想太熟嘅話，要避開中間位，因為蠟燭嘅熱力會繼續整熟塊牛扒。食落去牛味都幾濃郁，點少少鹽已經好好味。但肉質上又冇想像中咁好食，有少少鞋同普通。🍟無限量供應香脆金黃炸薯條最驚喜竟然係薯條。薯條係幼嗰隻，炸得香脆而又唔會冇曬水份，好食到停唔到手。雖然熱量高，但都忍唔住refill咗多碟 👍👍👍🥗香脆核桃有機沙律核桃好可口，沙律菜好柔嫩，好新鮮，可以中和到薯條嘅熱氣，唔錯-------------------------成個餐要每位$398，性價比一般。但如果情侶嚟食，計埋環境氣氛，都算浪漫，係唔錯嘅選擇 👍La Vache!地址🎈尖沙咀赫德道12號地下
哩間扒房已經好多人介紹過，今次可能就嚟打風，經過見冇乜人就同男朋友試一試。內裏燈光柔和，枱布用上懷舊嘅紅白格仔布，店員好多都係外國人，好有外國感覺。成間餐廳得一款牛扒餐，好啱選擇困難人士。
-------------------------
🥩牛扒
碟下面有個小蠟燭，可以保持住牛扒嘅熱度。男朋友叫咗medium rare，而我叫咗 medium。但2份好似都差唔多，仲有啲overcooked。所以如果唔想太熟嘅話，要避開中間位，因為蠟燭嘅熱力會繼續整熟塊牛扒。食落去牛味都幾濃郁，點少少鹽已經好好味。但肉質上又冇想像中咁好食，有少少鞋同普通。
🍟無限量供應香脆金黃炸薯條
最驚喜竟然係薯條。薯條係幼嗰隻，炸得香脆而又唔會冇曬水份，好食到停唔到手。雖然熱量高，但都忍唔住refill咗多碟 👍👍👍
🥗香脆核桃有機沙律
核桃好可口，沙律菜好柔嫩，好新鮮，可以中和到薯條嘅熱氣，唔錯
-------------------------
成個餐要每位$398，性價比一般。但如果情侶嚟食，計埋環境氣氛，都算浪漫，係唔錯嘅選擇 👍
La Vache!
地址
🎈尖沙咀赫德道12號地下
Post
