Aroma Truffle (Closed)

行過銅鑼灣見到來至新加坡既黑松露薯片，見到黑松露就好似見到金咁一樣沖大個去買。係唔駛諗，即刻買。見唔到都真係以為新加坡得蛋黃魚皮出名，不過已經過左氣，係咪時候重投黑松露既懷抱，所以買左兩個返屋企，不過有啲後悔。薯片呢樣野食下食下就一包，更何況係好食既薯片。一打開充滿黑松露味，然後仲要係厚切波浪食落脆脆，又唔會好硬，份量都多，平時厚切好快就食哂。。。。。好香好香！加左黑松露既所有野都唔會難食得去邊！食完忍唔住上網訂多幾包，唔駛出門自動送上門！！