Green Waffle (Closed)

其實之前喺中環店食過一次~就係因為食過所以一直都念念不忘，今日咁啱約左友人喺銅鑼灣行街~於是就想再回味一次薯仔嘅味道叫左個招牌﹣牛扒粒薯粒鑊仔。熱辣辣嘅鑊仔端上來，裡面有溫泉蛋，芝士，蘑菇，牛扒粒同薯粒，將溫泉蛋戳爆然後再同其他料MIX埋一齊~主角緊喺薯粒啦！薯粒真係好好食~~炸得又香又脆~唔會太油，牛扒粒肉質都比較軟香~再將d芝士撈埋一齊食~~好好味！不過最好兩個人share食，一個人食會覺得滯。另外一份喺炸雞腿窩夫早餐，雞腿就無乜特別，但勝在雞皮炸得好脆，夠香~雞肉又唔會好”鞋“，整體不過不失啦！又有香脆薯粒~點番茄醬好好食~~酸酸甜甜夠開胃。窩夫亦是普普通通，無乜味，如果再加d果醬在窩夫上，相信會更好食！