叁薯 (Closed)

一睇個店名有個薯字就知呢間係食薯類製品既小店咁岩我就係蕃薯控, 無論薯餅薯條紫薯薯蓉乜都鐘意食今次我地嗌左有芝士蝦餅, 醬燒茄子, 味皇薯條芝士蝦餅一份有兩件, 一開始會覺得又芝士又蝦餅咁應該會好「流」下, 點知食落原來都幾ok, 因為店家冇放勁多芝士係入面, 反而咁樣可以make a balance, 唔會比芝士cover左蝦餅本身既味道, 而且冇咁「流」, 一個人食哂兩塊都仲ok, 最讚我覺得係個蝦餅本身, 油溫控制得好好, 所以出黎唔會話太油, 而且蝦肉唔會太un或者散哂醬燒茄子呢個淨係睇相已經覺得好吸引, 因為我好鐘意食燒茄子, 要燒得好都唔係易事, 因為茄子本身就好易會太硬or太淋, 如果太淋就好易比人覺得會好油膩, 而太硬個口感就好差, 呢個真係燒得唔差, keep到個balance味皇薯條係升級版既shake shake薯條, 有幾隻味可以比我地揀, 而我揀左既係海苔粉, 店家會幫我地shake埋, 非常好, 岩哂我地可以邊行邊食最讚既呢間店係所有order都係即叫即整, 雖然要等耐少少, 但係全部真係要熱辣辣先好味, 仲要有多小吃未試, 下次再黎食!!