天聚源 (Closed)

今日屯門朋友同我地去食好西，去到藍地。藍地感覺上係一個偏僻既地方，點知朋友介紹既蒸氣火鍋店，質素可以拍得住岀面，價錢又平岀面一大截。我地揸車黎，兜去餐廳後面，有得免費泊車。店員話只要喺餐廳消費，有幾多架車都可以免費泊，啱哂一大班Friend 一齊去食。餐廳有分室內同室外，室外就有feel啲 ，涼涼地。不過都唔怕，因為餐廳超貼心，有暖爐凍都唔怕！今日試咗炭爐燒，同鐵板燒，都幾有趣。炭爐燒係燒牛肉同牛舌。牛肉好正，除咗有牛味，仲要有少少炭爐味，認真唔錯！牛舌好大塊，厚度適中，咬落好有口感！見有朋友，順手仲試埋啤酒添。我地叫咗小麥啤酒、幾大杯，超級抵飲。小麥啤好好味，麥味好香，酒味淡淡地，唔會好苦好濃。連平日少飲啤酒既我都飲咗大半杯。燒完炭爐，就燒鐵板燒。燒豬仔骨、茄子、粟米，都幾有風味。店內仲提供燒汁添！重點係坐室外，唔會燒到成身味最令我滿意。