Call Me Chef

Open Now

Now Closed

最近參加了一個課程，經常嚟觀塘區上堂，上堂前當然要先醫肚，新相識的同學話此餐廳廚師係藍帶畢業，估唔到喺工廠大廈都有藍帶水平嘅餐廳，同學特登請我黎試吓。嚟到發現個價錢比我想像中平，晚餐都係大約$110樓下已經包餐湯、沙律、主菜、甜品同埋飲品，基本上係一個傳統五道菜套餐。裝修都係比較簡約，開放式廚房睇到個廚師喺度煮食，你問到啲食物嘅香氣好吸引。門口有個蛋糕櫃食完唔夠喉可以買蛋糕返屋企食。今日的餐湯係羅宋湯，比一般羅宋湯甜，湯料亦多。頭盤沙律醬似吞拿魚醬，所以唔太甜，加埋蘋果一齊食唔錯。封煎北海道帶子配明太子奶油扁意粉似日式西餐，帶子煎得好而中間部位仍然保持嫩滑。芝士釀焗青口配香辣泰式黃咖哩忌廉炒意粉好明顯係fusion 菜，泰式黃咖哩炒得乾身但唔算好辣，青口的質素高無渣，雖然芝士焗但係都唔會太油膩。最係甜品係雪糕有朱古力同埋綠茶，質素都唔錯。